Faltzes Nafarroako herrian bere mahasti eta upategiak dituen IÑURRIETA, beti Euskal Herriko kluben arteko Torneo Nazionalaren babesle izan denak, Torneoan parte hartu duten klub guztiak zoriontzen ditu, bereziki finala jokatuko duten bi nafar klubak. Ez du aukera galdu nahi eta dena eman nahi du V edizioko final honetan bere ardo gorri zein beltza onenen 150 ardo botila zozketatuz, 3 botileko kaxetan.

Dagoeneko konfirmatuta dago Pelotako Euskadiko eta Nafarroako Federazioak Tolosako Beotibarren egongo direla datorren igandeko finalean. Gotzon Enbil Euskadikoaren Presidentea eta Miguel Pozueta Nafarroakoarena izango dira Euskal herriko kluben arteko Torneo Nazionalaren V edizioko finaletan.

Hain preziatua den Kopa eta baita klub guztiak bila ibili diren txapelak eta gerrikok dagoeneko ondo gordeta daude Beotibar frontoiko instalazioetan.

Euskal Herriko kluben arteko Torneo Nazionalaren antolatzaileek prest dituzte dirutan banatu beharreko 4 lehenengoentzako txekeak. Txapelduna eta azpitxapelduna finalean erabakiko dira eta, horren arabera baita ere, nor izango den 3. sailkatua, txapeldunaren aurka galdu zuena aurrefinaletan eta 4. sailkatua, azpitxapeldunaren aurka galdu zuena.

Martxoaren 10ean, Beotibar frontoian arratsaldeko 17,00tan, kluben arteko Torneo Nazionalaren FINALA jokatuko dute Iruñako OBERENAk eta IRURTZUNek. Aurkezten dituzten laukoteak luxu berezikoak dira.